Nú er glatt í döprum hjörtum...

Það er kannski ljótt að segja þetta, en mikið er ég ánægður með að L....púl sé úr leik! Sárin í ra..inum róa nú hratt og örugglega. Ég veit um tvær manneskjur sem halda með Chelsea; mamma (af því hún veit ekki betur) og Pétur Gísli stórvinur minn, af því hann hefur ekkert vit á fótbolta! En ofurblásnir andans Púllarar geta nú farið að leysa sinn vind utan sjónmáls heiðvirðs fólks sem alla tíð hefur séð í gegnum lélegt alltof heppins slipp og snauðrabæjarliðs, ofurselt minningum liðins tíma. Held með liðinu hennar mömmu í úrslitunum, það er víst!

Chelsea í úrslit í fyrsta sinn eftir 3:2 sigur á Liverpool

Nú játa ég vankunnáttu...

Hvers vegna eru okkar vextir svona háir? Erum við að vinna í einhverju öðru kerfi eða hvað? Er einhver sem þetta les fróður um málið og til í að upplýsa okkur hin um hvað þetta þýðir? Eins og við séum sex ára...   mamamamamama áttarsigekkiáþessu...

Bandarískir vextir lækkaðir

Nú er ég glaður!

Gott að geta fagnað titli, stelpurnar klikka ekki.

Arsenal Englandsmeistari

Hmmm, á að trúa þessu?

Lára, ertu nú alveg að segja satt? Vont að svona skuli heyrast frá þér, og setur fréttaflutninginn af þessu í enn meiri athugun. Var virkilega svona "algerlega ástæðulaust" að grípa inn í mótmælin? Eða voru lögreglumenn ekki of aðgangsharðir? Held að í ljósi ofbeldis dagsins við Kirkjusand hafi fréttaflutningurinn verið heldur einhæfur í gær, tala nú ekki um ef fréttamenn eru að sviðsetja eggjakast fyrir eigin egó... Hmmm....

Yfirlýsing frá Láru Ómarsdóttur

Nú fór Sturla yfir strikið

Trúverðugleikinn er nú horfinn frá talsmanninum Sturlu. Ef að hægt er að bjarga einhverju úr þessu, þá þurfa trukkararnir að taka sér tak, hætta að ljúga að minnsta kosti. Þessi árás á lögreglumann við skyldustörf er sú heimskulegasta aðgerð sem hugsast getur! Og að reyna að berjast áfram fyrir málstaðinn eftir þetta er erfitt, ef ekki vonlaust. Nú þurfa trukkararnir ný vopn, hver sem þau verða þá verða þau að vera án ofbeldis.

Ég myndi skammast mín blóðlausann og koma fram fyrir alþjóð og biðjast afsökunnar á lyginni. Að ég tali nú ekki um ofbeldinu.

 

Sturla: „Ekki á okkar ábyrgð"

Athyglissjúklingur á ferð

Held að þetta sé nú nóg komið! Trukkararnir höfðu víst ekkert með þennan boxara að gera, þetta var bara einhver vesalingur sem vantaði athygli. Eða er kannski að reyna að eyðileggja málstað vörubílstjóranna. Hvernig dettur fólki í hug að kýla, grýta og atyrða lögregluna og halda að það sé í lagi? Alger þvæla.

Svo finnst mér frábært að sjá lögreglukonuna yfir skúrknum þarna við Kirkjusandinn. Þær eru harðar í horn að taka lögreglukonurnar sem við eigum, vel þjálfaðar og klárar. Flottar.

Ráðist á lögregluþjón

Sammála

Þetta fór úr böndunum hjá mótmælendum, og eggjakastið var alveg úr takti...

Mótmælin fóru úr böndunum

Grjótkast er ekki afsakanlegt!

Það mátti búast við að eitthvað myndi gerast. Held að þetta sýni bæði fram á hvað sumir íslendingar eru lítið meðvitaðir um það hvaða afleiðingar grjótkast, eggjakast, svívirðingar og annar dólgsháttur hefur, og eins hitt, að lögreglan er vel undirbúin fyrir svona uppákomur.

Ég skil margar af kröfum trukkaranna og hef samúð með þeirra málstað, en fyrir mér er þetta verri dagur fyrir þá en lögregluna.

„Alltof harkalegar aðgerðir“

Sama jammmmið hér..

Sjómenn hafa löngum verið illa tryggðir hjá okkur, og yfirleitt tapa þeir eða eftirlifendur þeirra ef reynt er að draga einhvern til ábyrgðar.

Lögmaður sektaður fyrir ummæli í stefnu

Flott mál!

Nú vona ég að yfirvöld fari að athuga sinn gang og reyna að skoða hvaða fólk hér kemur inn til landsins. Ég á fullt af pólskum vinum og kunningjum sem ég veit að fagna því að þessi maður sé á leið í burtu. Þeir pólverjar sem ég þekki af reynslu eru flott fólk og áreiðanlegt, og er hér til að starfa og búa en ekki til að blóðsjúga aðra eins og margir halda.

Það er smáborgaraskapur að setja alla pólverja undir sama hatt og segja þá glæpamenn.

Úrskurðaður í gæsluvarðhald til 6. maí