Nú neita ég að borga meira!

Ég er að fara kollhnís í mínum fjármálum! Hef aldrei lent í því á mínum fullorðinsárum að geta ekki greitt af mínum skuldbindingum fyrr en nú, og svo fær maður svona fréttir. Þetta, auk fréttanna af niðurfellingu skulda útvaldra aðila innan bankakerfisins kalla á blóð, og það strax!

Veðjuðu á veikingu krónunnar

Athugasemdir

[Púkinn, 3.11.2008 kl. 16:25]

Mér finnst þú vera að misskilja þetta.  Það var í sjálfu sér ekkert athugavert við að bankarnir veðjuðu á veikingu krónunnar á þeim tímapunkti þegar hún var augljóslega allt of sterk.  Ef bankarnir hefðu ekki veðjað gegn krónunni hefðu þeir getað tapað verulega á því.

Krónan var allt, allt of sterk, sökum fáránlegrar stjórnunar Seðlabankans og það var ekki spurning um hvort hún myndi hrapa, heldur bara hvenær.

Það sem var hins vegar athugavert við hegðun bankanna var að á sama tíma voru þeir að ota myntkörfulánum að sínum viðskiptavinum ... lánum sem þeir máttu vita að yrðu verulega óhagstæð gengju væntingar þeirra um fall krónunnar eftir. Ef þú vilt vera reiður út í eitthvað, ættirðu að horfa á það atriði - ekki stöðutökuna, sem var fyllilega eðlileg.

Sjá einnig það sem ég skrifaði hér http://frisk.blog.is/blog/pukablogg/entry/697200/