Hvað sögðu Frjálslyndir?

Það hefur allt ræst sem Frjálslyndi flokkurinn varaði við vegna óhefts og óskoðaðs straums erlends fólks til landsins. Frjálslyndir fagna öllum sem hingað vilja koma, en vilja þó að fólk geri grein fyrir sér og að við höfum einhverja möguleika á að skoða hvaða fólk þetta er. Ég er alveg sammála. Sem sjálfstæð þjóð eigum við að gera það, hreinlega verðum. Annars fer allt í bál og brand.

Ég hef unnið með fólki af mörgum þjóðernum, Tyrkjum, Dönum, Norðmönnum, Svíum, Pólverjum, Suður Afríkönum o.fl. Allt það fólk hefur reynst vel bæði sem vinnufélagar og sem manneskjur. Það er enginn rasismi fólginn í því að vilja vita hvaða fólki maður er að vinna með, veri það morðingjar eða músikmenn. Maður verður bara að geta treyst einhverju í þessum málum. Þá verðum við að skoða hvaða fólk þetta er og bjóða þá sem vilja koma velkomna, en hafna þeim sem eru að flýja lögregluyfirvöld vegna glæpa. Eða hvað?

Hefur ekki gefið sig fram

Athugasemdir

[Sigurður M Grétarsson, 14.4.2008 kl. 16:55]

Ég held að allir hafi gert sér grein fyrir því að erlendar glæpaklíkur geti komið sér fyrir hér á landi. Það er ekkert nýtt í því efni frá Frjálsynda flokknum. Enn er þó sú staða uppi hér á landi að glæpatíðni meðal innflytjenda er lægri en meðal Íslendinga þó fram hafi komið nýjar tegundir af glæpum frá útlendingum.

Það, em frjálsyndi flokkurinn boðaði hins vegar var lausn á vandamálinu, sem ekki samrýmist skuldbindingum okkar samkvæmt EES samningnum en hafa síðan farið eins og köttur í kringum heitan graut þegar þeir eru spurðir að því hvort þeir vilji segja þeim samningi upp. Þeir hafa jafnvel gengið svo langt að halda því fram að þeirra leiðir standist EES samningin þó allir sérfræðingar í þeim samningi, sem hafa tjáð sig um málið, fullyrði að svo sé ekki.

Þeirra leið til að koma í veg fyrir glæpi útlendinga er sú að takmarka fjölda útlendinga, sem hingað koma. Að sjálfsögðu fækkar það glæpun útlendinga að takmarka fjölda þeirra hér en meðan glæpatíðin hjá þeim er ekki hærri en hjá okkur Íslendingum þá lækkar það ekki glæpatíðni hér á landi. Orðið glæpatíðni er hér í merkingunni glæpir á hverja 100 þúsund íbúa.

Ef erlendar glæpaklíkur vilja koma sér fyrir hér þá gera þeir það óháðn því hvernig innflytjendalöggjöfin er. Það eru alltaf til menn innan þeirra með hreina sakaskrá. Það ætti ekki að vefjast fyrir þessum glæpaklíkum að útvega sínum mönnum pappírssnepil, sem lítur út fyrir að vera flott sakavottorð. Það er líka hægt að senda menn hingað, sem ferðamenn með reglulegu millibili til að sjá um starfsemina. Það verða líka alltaf til íslenskir glæpamenn, sem vilja starfa fyrir þessar glæpaklíkur. Það voru til dæmis tveir Íslendingar viðriðnir líkfundamálið, sem var angi af starfsemi litásku mafíunnar.

Leið Frjálslynda flokksins er því engin lausn. Lausnin fellst fyrst og fremst í því að efla lögregluna til að fást við þessar glæpaklíkur og þá meðal annars með því að fræðast um þær eða jafnvel að ráða til íslensku lögreglunnar menn frá þeim löndum, sem þessar glæpaklíkur hafa verið lengi starfandi.