Er þetta vendipunkturinn?

Getur verið að nú fari öll vötn að renna til Dýrafjarðar? Er krísan að baki, eða er þetta framlengd snara amerísku bankanna, og um leið okkar? Veit ekki...

Bandarískum fasteignabönkum hjálpað

Athugasemdir

[Guðmundur Ásgeirsson, 27.7.2008 kl. 17:03]

Þetta er í rauninni ekkert annað en dulbúið tilbrigði við þjóðnýtingu, sem í Bandaríkjunum er algert bannorð enda hafa þeir lengi barist gegn þjóðnýtingu eigna víða um heim sem tengjast bandarískum einkahagsmunum, og beitt til þess bæði viðskiptaþvingunum og beinum hernaði. En af því að þetta eru Bandaríkin, heimaland corporatismans (feluorð yfir nýfasisma) þá er það ekki ríkið sem leysir til sín bankana eins og gert væri í heilbrigðara umhverfi, heldur bankarnir sem þiggja aðstoð frá ríkinu til að geta haldið áfram rekstri þrátt fyrir gjaldþrot. Tilgangurinn er væntanlega sá sami, að koma í veg fyrir stóra gjaldþrotahrinu sem hefði skaðleg áhrif á hagkerfið ásamt því að reyna að forða þjóðinni frá meiriháttar upplausn í húsnæðismálum. Munurinn er hinsvegar sá að í staðinn fyrir að ríkist eignist þessa sjóði og stokki rekstur þeirra upp verður engin trygging fyrir því að neinar breytingar verði, þeir gætu allt eins haldið áfram á sömu braut og hingað til. Þó það sé engin nýlunda vestanhafs að umbuna fyrir meðalmennsku (eða í þessu tilviki hreint afhroð!), þá veit ég ekki hversu líklegt þetta er til árangurs allavega hef ég mínar efasemdir.